جلگاؤں : 18 جنوری 22 کو جلگاؤں شہر سے گزرنے والی قومی شاہراہ پر واقع اجنتا چوک پر زیرِ تعمیر نئے سرکل کو علاقہ خاندیش سے تعلق رکھنے والے مجاہدِ آزادی میر شکر اللہ ( خاندیش گاندھی ) کا نام دیا جائے ۔ اس ضمن میں آج علاقہ مہرون و شہر کے سیاسی و سماجی فیلڈ سے تعلق رکھنے والے افراد نے اجنتا چوک پر جمع ہوکر حکومت اور مقامی انتظامیہ کے سامنے پر امن طریقہ سے اپنا موقف رکھا اور اپیل کی کہ وطنِ عزیز بھارت کی جنگِ آزادی میں پیش رہے خاندیش گاندھی میر شکر اللہ صاحب کو خراجِ عقیدت پیش کرتے ہوئے اجنتا چوک پر واقع اس نئے زیرِ تعمیر سرکل کو مجاہدِ آزادی میر شکر اللہ کا نام دیا جائے ۔ اس موقع پر جناب احمد حسین سر ، میر ناظم علی ، سید دانش احمد ، ایڈوکیٹ عمران شیخ ، ڈاکٹر رضوان کھاٹک ، ریان جاگیرداری ، حاجی یوسف ، زبیر دیشمکھ ، عمران غنی ، خالد کھاٹک ، سعید شیخ ، وسیم باپو ، نعمان بھائی ، ارشد شیخ اور حافظ عمر فاروق موجود تھے ۔
