(حاجی پور 11 ستمبر نمائندہ ) موضع چک جادو ، پاتےپور ، ویشالی کے مشہور و معروف کاشتکار ، غریب پرور ، رحم دل انسان جناب محمد نقی صاحب عرف منا بابو کی پوتی منال فاطمہ بنت اکرام الحق نے 12 ستمبر 2022 ء بروز سوموار اپنی عمر کے تین سال مکمل کر لیے۔ محض تین سال کی عمر میں ماشاءاللہ اس معصوم سی بچی کو بہت ساری مسنون دعائیں ، اردو اور انگریزی کے حروف تہجی کے علاوہ بہت سارے الفاظ ، کئ نظمیں بھی ذہن نشیں ہیں ۔ ماشاءاللہ منال فاطمہ بہت ہی زیادہ ذہین، اخلاق مند ، خوش مزاج اور چنچل ہے ۔ وہ اپنے گھر کے تمام افراد کی لاڈلی و چہیتی ہونے کے ساتھ ساتھ رشتہ داروں و پڑوسیوں کی بھی چہیتی ہے ۔ آج اس کی دوسری سالگرہ پر دادا،دادی، نانا ، نانی ، والدین ، بڑے ابو ، بڑی امی ، مجھلے ابو، چھوٹے ابو اور تمام پھوپھی پھوپھا ، ماموں ممانی، خالہ خالو ، بھائ بہن و تمام رشتہ داروں میں خوشی ہے اور تمام لوگوں نے اس کے بہتر صحت ، علم نافع ، دینداری اور بہتر مستقبل کی دعائیں دی ہیں ۔ منال فاطمہ کے نانا جناب شہاب الرحمن صدیقی نے قارئین سے اپنی نواسی کے روشن مستقبل کے لیے دعا کی درخواست کی ہے ۔ یہ اطلاع منال فاطمہ کے بڑے مامو قمر اعظم صدیقی بانی و ایڈمن ایس آر میڈیا نے دی ہے ۔
