چنئی۔ (پریس ریلیز)۔ تمل ناڈو وزیر اعلیٰ ایم کے۔ اسٹالن نے مختلف شعبوں میں بہترین کارکردگی کا مظاہرہ کرنے والوں کو تمل ناڈو سکریٹریٹ کے احاطے میں منعقد یوم آزادی کے تقریب میں اعزازات سے نوازا۔تمل ناڈو اور تمل قوم کی ترقی کے لیے کام کرنے والوں کو اعزاز پیش کرتے ہوئے وزیر اعلی ایم کے۔ اسٹالن نے انڈین یونین مسلم لیگ کے قومی صدر کے ایم قادر محی الدین کو سال 2025 کا Thagaisal Tamilarر ایوارڈ پیش کیا۔ اس ایوارڈ کے ساتھ وزیر اعلیٰ نے دس لاکھ روپے کا چیک اور توصیفی سند بھی پیش کیا۔ اس موقع پر چیف سکریٹری این مرگانندتھم بھی موجود تھے۔
پروفیسر کے ایم قادر محی الدین پدوکوٹائی ضلع کے تھرونللور نامی گاؤں میں پیدا ہوئے۔ ایک سینئر سیاسی رہنما، انسان دوست اور دانشور اور بہترین مقرر ہیں۔ انہوں نے 15 سال تک جمال محمد کالج، تریچی میں تاریخ کے پروفیسر کے طور پر کام کیا۔
وہ انڈین یونین مسلم لیگ کے قومی صدر ہیں۔ وہ تمل ناڈو میں انڈین یونین مسلم لیگ کے قومی جنرل سکریٹری اور ریاست تمل ناڈو کے صد ر کے عہدے پر رہ چکے ہیں۔ وہ 2004 میں ویلور لوک سبھا حلقہ سے منتخب ہوئے تھے۔
انہوں نے 2010 میں کوئمبٹور میں منعقدہ عالمی تامل کلاسیکی زبان کانفرنس میں کلاسیکل تمل اور عربی – ایک موازنہ کے عنوان سے ایک تحقیقی مقالہ پیش کیاتھا۔ وہ ایک ایسے مفکر ہیں جو قائد ملت کے زمانے سے سماجی ہم آہنگی پھیلا رہے ہیں ہے، اور ایک استاد ہیں جنہوں نے سینکڑوں گریجویٹ پیدا کیے اور ان کی زندگیوں کو بلند کیا۔ وہ تمل ناڈو میں قرآن پاک یونیورسٹی کے قیام کو اپنی زندگی کا مقصد سمجھ کر کام کر رہے ہیں۔تمل ناڈو حکومت نے تمل ناڈو اور تمل قوم کی ترقی میں اہم کردار ادا کرنے والے کے پروفیسر کے ایم قادرمحی الدین کو سال 2025 کے لیے ”ممتاز تملن ایوارڈ”(تھگئیسال تملر ایوارڈ) سے نوازا ہے۔
