خون کے عطیہ کو لے کر بیداری ضروری:ذاکر حسین
لکھنؤ،(ابوشحمہ انصاری) الفلاح فرنٹ لکھنؤ یونٹ کے سیف نے گایتری دیوی کے لیے خون کا عطیہ دیا۔ گایتری دیوی کو 19 اپریل 2022 کو لکھنؤ کے چندن اسپتال میں خون کی ضرورت تھی، تب گھر والوں نے الفلاح فرنٹ لکھنؤ یونٹ کے رضوان خان صاحب سے رابطہ کیا، جس کے بعد رضوان خان، ارسلان اور ساحل کی کوششوں سے سیف نے گایتری دیوی کیلئے خون عطیہ کر اپنی عظمت کو ثبوت پیش کیا۔سیف کی اس عظیم خدمت کے لئے الفلاح فرنٹ کی پوری ٹیم خصوصاً بلڈ ڈونیٹ گروپ کے بانی ذاکر حسین الفلاح فرنٹ لکھنؤ یونٹ کے شعیب،آفتاب،اسامہ،کامل، فصیح وغیرہ نے مبارکباد پیش کی اور لوگوں سے الفلاح فرنٹ سے جڑنے کی اپیل کی۔اس طرح الفلاح فرنٹ (بلڈ ڈونیٹ گروپ) کے پلیٹ فارم سے 301 مریضوں کو خون کا عطیہ دیا گیا ہے۔ اس موقع پر ذاکر حسین نے کہا کہ ہم خون کے عطیہ کے حوالے سے بیداری لانے کے لئے پروگرام منعقد کریں گے۔
