جلگاؤں۔ اقرا ایجوکیشن سوسائٹی کے زیر انصرام اقرا شاہین اردو ہائی اسکول و جونیئر کالج، مہرون، جلگاؤں میں یوم آزادی منایا گیا۔ اس تقریب میں ریاض عبدالکریم باغبان صاحب (نگر سیوک، جلگاؤں شہر مہا نگر پالیکا) کے ہاتھوں پرچم کشائی کی گئی۔ اسکول کے طلبہ نے آزادی پر تقاریر کیں اور حب الوطنی گیت پیش کیے۔ مہد ملت، مالیگاؤں کے زیر اہتمام منعقدہ دینیات امتحان میں نمایاں کامیابی حاصل کرنے والے طلبہ کو انعامات سے نوازا گیا۔
اس موقع پر اسکول و کالج ھٰذا کے پرنسپل شیخ گلاب اسحٰق، حاجی غلام نبی آئی ٹی آئی کالج کے پرنسپل زبیر ملک اور جملہ اساتذہ تھے۔ شیخ افتخار غلام رسول نے نظامت کے فرائض انجام دیے اور رسمِ شکریہ شیخ روشن مشتاق نے ادا کی۔
