کاوش : یاسرعبدالقیوم قاسمی
مدرسہ جامعہ فرقانیہ سندیلہ ضلع ہردوئی
ا ے وَطن اے وطن اے ہمارے وطن
ماہ تارے وطن رِفعَتوں کے گگن
تجھ پہ قُربان ہے میری جاں میرا تَن
اے وطن اے وطن سب سے نِیَارے وطن
کہکشاں کہکشاں تو ہے جنّت نِشاں
تیرا ہر ایک ذرّہ ہے کُندَن سَما ں
تیری عَظمَت کا قائِل ہے سارا جہاں
ہے مَثَل تیری تَہذیب گنگ و جمن
جب مَظالم کہ انگریز ڈَھانے لگے
لُوٹ غارَت گِری وُہ مَچانے لگے
ٹیپُو حَیدَر بھی جُرأت دِکھانے لگے
باندھ کر آئے میداں میں سَر سے کَفن
سرفَروشوں کا تجھ پہ یہ اِحسان ہے
تیری حُرمَت کی خاطر مُقَیَّد رَہے
اَنڈ ماں میں رَہے پا بہَ جُولاَں چَلے
ہاں سَپوتوں نے چُوما ہے دارُ و رَسَن
جبکہ میرٹھ میں چِنگاری جَلنے لگی
رَن بَنا حاجی اِمداد کا شامِلی
سربَکَف تھے رَشید اور ضامِن علِی
فوجی قِلْعَہ بَنا اُن کا تھانہ بھَوَن
فوج کے سِپْہِ سَالار قاسِم بَنے
کھائی انگریز کی گولی زَخمی ہُوئے
جب کَراچی عَدالت میں مَدْنی گئے
بِالیَقیں ہاتھ میں اپنے تَھا ما کَفَن
شور محمود کی ریشمی کا اُٹھا
قَیْد انگریز نے مالْٹا میں رَکھا
پُر مَشقَّت سزائیں وہ دیتا رَہا
عَزْمِ محُکَم میں پھر بھی نہ آئی شِکَن
گاندھی آزَاد نَہرُو کا مَسکَن ہے تو
ہاں شہیدوں بزرگوں کا مَدفَن ہے تو
فَصلِ آزاد ی کا خوب گُلبَن تو
کتنا پِیارا ہے یاسِر ہمارا وَطن
ا ے وَطن اے وطن میرے پیارے وطن
ماہ تارے وطن رِفعَتوں کے گگن
تجھ پہ قُربان ہے میری جاں میرا تَن
ا ے وطن اے وطن اے ہمارے وطن
