سعادتگنج،بارہ بنکی(ابوشحمہ انصاری) جمعیت سعادۃ العلماء انوپ گنج ، سعادت گنج کے زیراہتمام مرکز مسجد میں چل رہے مکتب میں عیدالاضحی ٰکی تعطیل کا اعلان کردیا گیا ہے۔ یہ تعطیل آج کی پڑھائی کے بعد سے آئندہ جمعہ تک رہے گی۔ (ان شاءاللہ)
واضح رہے اس مکتب کو قائم ہوئے ابھی دو ماہ نہیں گزرے ہیں اور بچوں کی تعداد میں دن بدن اضافے کے پیش نظر مزید ایک عارضی معین مدرس کو رکھا گیا ہے۔ بچوں کی تعداد پچاس سے تجاوز کر چکی ہے۔ اور تعداد میں اضافے کا سلسلہ ہنوز جاری ہے۔
اللہ تعالیٰ سے دعا ہے کہ جمعیت کے تمام اراکین اور اس مکتب کے معاونین کی ہر چہار جانب سے مدد و نصرت فرمائے۔ سبھی کے کاروبار میں خوب خیر و برکت نصیب فرمائے۔ سبھی کو تاعمر دین کی خدمت کرتے رہنے کی توفیق عطا فرمائے۔ (آمین یارَبَّ العَالمین)
اس موقع پر جمعیت کے رکن مولانا ضیاء الرحمٰن قاسمی ، مولانا محمداختر قاسمی (خازن) ، مولانا عمرعبداللہ قاسمی (معاون خازن) ، اور فرمان مظاہری موجود تھے۔
