نتیجۂ فکر : یاسر عبدالقیوم قاسمی
کر رہا ہے یہ عیاں جو واقعہ ہے غار کا
مصطفی کے بعد رتبہ ہے نبی کے یار کا
اللہ اللہ ان کا جذبہ ہے نہیں کوئی مثال
رکھ دیا لا کر اثاثہ جو بھی تھا گھر بار کا
جب قبیلے نے کیا انکار دینے سے زکوۃ
ڈٹ گئے ہرگز نہ چھوڑوں گا میں حق نادار کا
ثانی اثنین کہا ہے رب نے خود صدیق کو
رب نے ہے خود ہی بتایا ہم سفر سرکار کا
سب صحابہ ہیں ستارے ان میں ہے اعلی مقام
بوبکر فاروق و عثماں حیدر کرار کا
ان کی خاک پا بھی یاسر کوئی پا سکتا نہیں
ہو قطب ابدال یا پیر مغاں سنسار کا
