100 سے زیادہ جوان اور بوڑھے لوگ خون عطیہ کرنے کے لئے آئے۔ 75 یونٹ سے زائد خون جمع ہوا
اتوار ، 11 جولائی 2021
قرآن مجید میں اللہ تعالیٰ کے فرمان کے مطابق کہ کسی شخص نے ایک انسان کی جان بچائی،اُس نے مکمل انسانیت کی جان بچائی،اور جس نے ایک انسان کی جان لی اُس نے پوری انسانیت کی جان لی۔ مکرمی! عطیہ خون ایک نیک عمل ہے،اور اس خون کے عطیات کے ذریعے دیگر انسانوں کی جان بچانے میں نمایاں رول انجام دیا جا سکتا ہے۔اسی نوع کو مد نظر رکھتے ہوئے یوتھ ونگ جماعت اسلامی ہند ممبئی کی جانب سے مالونی یونٹ پر عطیہ خون (بلڈ ڈونیشن) کیمپ منعقد کیا گیا۔
یوتھ ونگ جماعت اسلامی ہند مالوانی پچھلے 10 سال میں مالوانی کے علاقے میں 600 سے زیادہ بلڈ یونٹ میں حصہ لینے میں کامیاب رہی ۔ بی ایم سی نے اس عمدہ مقصد میں یوتھ ونگ جماعت اسلامی کی کوششوں کی بھرپور حوصلا افزائی کی۔یوتھ ونگ جماعت اسلامی ہند نے تمام ڈونرز کا شکریہ ادا کیا جنہوں نے عطیہ خون دے کر اس کیمپ کی حمایت کی۔ساتھ ہی ساتھ ڈاکٹرز کا بھی جنھوں نے اس اہم کام کے تحت اپنا قیمتی وقت فارغ کیا۔
والسلام
جمیل شیخ
(صدر یوتھ ونگ جماعت اسلامی ہند مالونی)
