ہردوئی(یاسر قاسمی)
مدرسہ جامعہ فرقانیہ سندیلہ کے درجہ ششم کی ایک بارہ سالہ طالبہ کا گذشتہ شب انتقال ہوگیا، وہ پچھلے دو دن سے بخار میں مبتلا تھی، نماز جنازہ آج 31 اکتوبر اتوار بعد نماز ظہر امام چوک سے متصل ادا کی گئی ۔
اطلاع کے مطابق محلہ منڈئی ساکن عشرت علی کی بیٹی ثانیہ خاتون (12) کو دوروز سے بخار آرہا تھا، ایک ذاتی کلینک میں علاج چل رہا تھا ، گذشتہ شب علاج کے دوران اچانک بخار کا لیول معمول کی حرارت سے کافی کم ہوگیا جس سے حالت نازک ہوگئی، متعلقین علاج کیلئے لکھنؤ لے جا رہے تھے ، ابھی ملیح آباد ہی پہنچے تھے کہ طالبہ کی روح قفص عنصری سے پرواز کر گئی،
آج مدرسہ میں مرحومہ کیلئے ایصال ثواب ودعا کا اہتمام کیا گیا۔
