جلگاؤں۔ اقرا ایجوکیشن سوسائٹی کے زیر انصرام اقرا شاہین اردو ہائی اسکول، مہرون، جلگاؤں میں 5 ستمبر کو جوش و خروش کے ساتھ یوم اساتذہ منایا گیا۔ دہم جماعت کے طالب علم عمیر شیخ عرفان نے ایک دن کے لیے اسکول ھٰذا کے صدر مدرس کے فرائض انجام دیے جبکہ رزان منظور احمد، تشمیر فاطمہ جاوید احمد، درخشاں، تسمیہ، روحی، صبا، آسیہ، الفیہ، خںسا، شمائلہ، عائشہ پنجاری، راحت، شفا، نہادیہ، مسیرہ، عاطفہ، بشریٰ، عائشہ، صدف، شہر ساریہ، نکہت، زویا، مادیہ، فائزہ، عالیہ، طوبیٰ، حمیرہ و دیگر طلبہ نے اساتذہ کی ذمہ داریاں سنبھالیں۔ اس سے قبل 1 ستمبر سے 5 ستمبر تک اسمبلی میں مختلف جماعتوں کے طلبہ نے یوم اساتذہ کی اہمیت سے طلبہ کو روشناس کروایا۔ صدر مدرس شیخ گلاب اسحٰق اور جملہ اسٹاف نے ان طلبہ کو مبارک باد پیش کی اور گل دے کر حوصلہ افزائی کی۔ اسکول میں یوم اساتذہ کو کامیاب بنانے کے لیے ثقافتی کمیٹی کے انچارج شیخ افتخار غلام رسول نے اہم کردار ادا کیا۔
