جلگاوں: 17 ستمبر، نامہ نگار
علاقہ خاندیش کے معروف تعلیمی و سماجی مصلح جلگاوں میونسپل کارپوریشن کے سابق ڈپٹی میر و اقراء ایجوکیشن سوسائٹی کے صدر ڈاکٹر عبدالکریم سالار کو ان زندگی کی چالیس سالہ بیش بہا قیمتی تعلیمی و سماجی خدمات کے عیوض علاقہ تانبہ پورہ کے بکر قصاب برادری کے تقسیم اسناد و انعام کی تقریب میں ” شکشن سمراٹ ” ایوارڈ سے نوازا گیا بکر قصاب برادری کے اس عظیم الشان تقریب میں بطور مہمان خصوصی مفتی ہارون ندوی ، ریاست مہاراشٹر کے بکر قصاب برادری کے صدر محمد یوسف کھاٹک ، ابراہیم کھاٹک، اے ٹی ایم کے چیرمین راشٹر وادی کانگریس جلگاوں کے صدر اعجاز عبدالغفار ملک، الحاج الطاف کھاٹک، شکیل سر (دھولیہ) ڈاکٹر رضوان، انور کھاٹک، یعقوب بھائ کھاٹک نیز کثیر تعداد میں موجود نوجوانوں پر مشتمل گروہ کے روبہ رو دیا گیا جلگاوں میں تعلیمی بیداری لانے کا سہرہ ڈاکٹر عبدالکریم سالار کی سحر انگیز شخصیت سے ہی منسوب کیا جاتا ہے مذکورہ پروگرام میں ان کے تعلیمی و سماجی اصلاحی کاموں کا ایک جائزہ بطور مومنٹو بھی پیش کیا گیا واضح رہے کہ جلگاوں کی بکر قصاب برادری ہر سال برادری سے منسلک طلبہ جو سر فہرست رہے ہوں انہیں اعزاز و اکرام کے نوازتی ہے شہر کے تمام برادری کے عمائدین و مکتب فکر اس بات پر اتفاق رکھتے ہیں کہ ڈاکٹر عبدالکریم سالار کی وہ انفرادی ذات ہے جس نے شعبہ تعلیم میں بالخصوص و سماجی و سیاسی شعبوں میں عموما اقلیتی فرقہ سے تعلق رکھنے والے افراد کو و سماج کو زمانے کے شانہ بہ شانہ أج لا کھڑا کیا یہ ایوارڈ کےملنے پرشہریان جلگاوں کے تمام ہی تعلیمی و سماجی حلقوں نے اس کا خیر مقدم کیا و سالار صاحب کو اپنی مبارکباد ی پیش کی
